ئەم چوار رەفتارە لە مانگی رەمەزان جوانترت دەكات

ڕێژنە میدیا

 

مەرج نییە هەمیشە شێوەی روخسار هۆكاربێت بۆئەوەی كەسێك جوان بێت، جوانی روح بونی هەیە كە رەنگ دەداتەوە لە روخسار و شێوەی دەركەوتنت و جوانییەكی جیاوازت پێدەبەخشێت.

 

چەند رەفتارێك هەیە كە جوان نیشان دەدات بەتایبەتی لە مانگی رەمەزان:

 

1. یارمەتیدانی كەسانی دیكە
نیشانەی هەبونی دڵێكی میهرەبانە، بە یارمەتیدانی كەسانی دیكە زیاتر دەبیت بە كەسێكی سەرنجڕاكێش لەلای كەسانی دیكە.

 

2. گرنگیدان بە تەندروستیت
تەندروستی تاجی سەری هەر مرۆڤێكە، گرنگە بایەخ بە جۆری ئەو خواردن و خواردنەوانە بدەیت كە دەیخۆیت لەم مانگەدا، دوربكەوەرەوە لە خواردن و خواردنەوە زیانبەخشەكان.

 

3. رەفتاری جوان و زمانی شیرین
مەرج نییە تەنها بە لایەنی ماددی هاوكاری كەسانی دیكە بكەیت، دەكرێت وتنی وشەیەكی شیرین یان رەفتارێكی باش تەواوی رۆژی كەسێك جوان بكەیت.

 

4. نەرمونیانی
دەكرێت بەهۆی رۆژوەوە زو هەڵچیت و توڕەبیت، بەڵام كۆنترۆڵكردنی خۆت لەوكاتەدا جوانترین رەفتارە كە ئەنجامی بدەیت و بە نەرمونیانی رەفتاربكەیت.

بۆ بینینی نوێترین بابه‌ت ڵایكی ڕیژنه‌ بكه‌