هۆکارە تەندروستییەکانى ئازارى مەمک

ڕێژنه‌ میدیا
 
 
زۆربەى خانمان تووشى ئازارى مەمک دەبن لە هەر تەمەنێکى جیاواز بێت بەڵام زۆر جار خانمان شەرم دەکەن سەردانى پزیشک بکەن بۆ وەرگرتنى چارەسەرى كە ئەمەش هۆكارە بۆ زيادبوونى ئازارەكە و زيادبوونى نەخۆشێكە, لێرەدا باس لە چەند هۆکارێکى تەندروستى دەکەین کە هۆکارن بۆ ئازارى مەمک لەوانەش:
 
 
1- شێرپەنجەى مەمک هەرچەندە زۆر جار ئازارى لەگەڵدا نییە, بەڵام لە هەندێک حاڵەتدا ئازارى لەگەڵدایە و تووش بووەکە ماندوو دەکات.
 
 
2- کیسى مەمک هۆکارە بۆ تووش بوون بە ئازارى مەمک.
 
 
3- هەوکردنى مەمک کە زیاتر دایکانى شیردەر تووشى ئەم حاڵەتە دەبن بەهۆى مانەوەى شیرەکە دەبێتە هۆى ئازار و تا و ئەستووربوونى مەمک.
 
 
4- بەکارهێنانى دەرمانەکانى وەک (دەروونى و نەزۆکى و ئیستڕۆجین و پڕۆجیستڕۆن).
 
 
5- هەوکردنى شانە کڕکڕاگەییەکان.
 
 
6- لەبەرکردنى سوخمەى تەسک و یان زۆر شل هۆکارە بۆ تووش بوون بە ئازارى مەمک.
 
 
7- تێكچوونى هۆڕمۆنات.